Kadumdum Ka Pa?

imageSang-una, Ilonggo pa istoryahanay ta, kahapos lang ah.  Pero mag sulat sa Ilonggo?  Wala ako madumduman nga nagsulat ako sang puro Ilonggo, amo ni gani nga napinsaran ko nga magsulat sini.  Pasensya na, dugay na nga wala ako kahambal sang linguahe ta, ti budlayan gid eh.

Ang bentahe sang magsulat, pwede mo balikan kag bayluhan, laba oras mo para da.  Ang budlay kay wala man ta gintudluan bisan sa eskwelahan magsulat sa Ilonggo, puro Tagalog kag Englis lang ang ginapahimo.  Ang mga nabasa lang naton nga Ilonggo, Hiligaynon o Bibliya naton.  Hmmm, may KJV, NIV kag Cebuano ako sa smartphone, pro Ilonggo wala pa ko kakita.  Kung may nabal-an kamo kung diin pwede kakuha, salamat sa inpormasyon.

Ginkadtuan ko Facebook sang "Taga Kabankalan Ako", abi ko makabasa ako sang sulat Ilonggo, pero halos puro Englis man.  Ma-intiendihan ta man na kay mas kabudlay man gali magsulat sa Ilonggo.  Ni indi gani ako sigurado kung may pasensya pa mga kasimanwa ta magbasa sang linguahe ta.  Sa mga nagbasa, salamat sa komento, lihog lang puro Ilonggo para mabal-an nyo man magsulat sa linguahe ta.

Dugay ko na ni ginsulat pero pila na kabulan, wala man gihapon matapos.  Siguro kinahanglan ko lang magtinir sa ideya nga gusto ko isulat, nga praktis kinahanglan para makahambal kag makasulat sa lenguahe nga gusto mo.  Sang nagbakasyon ko da sang-una, kadlawan lang sang paryente ko pag-Ilonggo ko kay lain na kuno tuno ya. Pati paghambal sang ideya, indi na deretso kay pangitaon mo pa ang husto nga termino, diutay na lang ang bokabularyo.

Siguro kung kis-a magsulat man ko sa lenguahe ta. Pero para mas madali para sa mas kadamuan, Englis na lang siguro o tagalog :(  Iban ko nga paryente da, bisan sa Pilipinas lang sila, kay lain nga lenguahe na hambal nila, budlayan man sila mag-Ilonggo na.

Lain buot ko sina (Lihog tan-aw sa litrato) pero anong mahimo naton, wala man ma-istoryahan di sang Ilonggo. Damo man da mga kasimanwa ta nga sagad-sagad maghambal kag magsulat, gani ok lang gid na.  Sa mga ka-lenguahe ko da sa Negros, lihog hatag sang Ilonggo blog, basi kabulig na sa pagsulat ko kon kabasa man ko sang blog ta. Kinahanglan gid na para mayong istoryahanay ta pag ka-bakasyon liwat da.

Ti, kinahanglan na ni tapuson.  Salamat gali kay Emman Rufin, sa Kabankalan t-shirt nga hatag nya.  Sa mga kasimanwa ko nga dugay na man wala ka binisaya, salamat sa pag-kumento di sang mga teknik sa pagsulat kag paghambal sa lenguahe ta.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s